Akademie gebou op Waak en Werk.
By Hoërskool Louis Trichardt word akademiese groei gebou deur dissipline, voorbereiding, deursettingsvermoë en ’n skoolgemeenskap wat saam aan elke leerder se toekoms werk.
By Hoërskool Louis Trichardt is akademie ’n belangrike deel van ons skool se identiteit. Ons glo dat elke leerder die geleentheid moet kry om te groei, te ontdek, hard te werk en met selfvertroue hul toekoms tegemoet te gaan.
Ons akademiese benadering word gedra deur ons leuse, Waak en Werk. Dit herinner ons daagliks daaraan dat sukses gebou word deur dissipline, voorbereiding, deursettingsvermoë en ’n opregte liefde vir leer.
Hoërskool Louis Trichardt volg die NSC/CAPS-kurrikulum en berei leerders voor vir die Nasionale Senior Sertifikaat-eksamen in Graad 12.
Afrikaans Huistaal
Afrikaans Eerste Addisionele Taal
Engels Huistaal
Engels Eerste Addisionele Taal
Tshivenda Huistaal
Wiskunde
Sosiale Wetenskappe
Natuurwetenskappe
Ekonomiese en Bestuurswetenskappe
Tegnologie
Skeppende Kunste
Lewensoriëntering
Rekeningkunde
In Graad 8 en 9 word leerders aan ’n breë akademiese grondslag blootgestel. Hierdie fase help leerders om kernvaardighede, studiegewoontes en akademiese selfvertroue te ontwikkel ter voorbereiding vir die senior fase.
Afrikaans Huistaal / Eerste Addisionele Taal
Tshivenda Huistaal
Engels Huistaal / Eerste Addisionele Taal
Lewensoriëntering
Wiskunde of Wiskundige Geletterdheid
Rekeningkunde
Geografie
Besigheidstudies
Gasvryheidstudies
Ingenieursgrafika en -ontwerp
Rekenaartoepassingstegnologie
Inligtingstegnologie
Lewenswetenskappe
Fisiese Wetenskappe
Toerisme
Ontwerp (Ons is huidiglik die enigste skool in Limpopo wat Ontwerp as ‘n vak aanbied)
Alle leerders skryf ’n volledige eksamen aan die einde van die tweede en vierde kwartaal. Matrieks skryf ook ’n voorbereidende eksamen aan die einde van die derde kwartaal.
Leerders skryf gedurende weeksoggende toetse volgens ’n vasgestelde rooster. Hierdie benadering moedig leerders aan om deur die jaar ’n konsekwente studiepatroon te handhaaf en hul werk gereeld te hersien.
’n Jaarpunt word bereken op grond van drie deurlopende assesseringsiklusse, saam met die eksamens. Ná elke assesseringsiklus en eksamen ontvang ouers ’n verslag oor die leerder se vordering, sodat hulle deurlopend op hoogte kan bly van hul kind se akademiese ontwikkeling.
Hoewel tegnologie nooit die rol van ’n onderwyser kan vervang nie, is dit ’n waardevolle hulpmiddel in moderne onderrig. Interaktiewe witborde en visuele projekteerders word in die klaskamer gebruik om lesse meer interessant, visueel en interaktief te maak.
Ons streef daarna om tegnologie sinvol in ons onderrig te gebruik om leerders se leerervaring te verryk, begrip te bevorder en hulle voor te berei vir ’n voortdurend veranderende wêreld.
Kontak gerus ons span vir meer inligting rakende akademie by Triegies.
altyd ’n Triegie.
Ons nooi alle oudleerders van Hoërskool Louis Trichardt om jou besonderhede op datum te hou, sodat die skool met jou in verbinding kan bly oor nuus, reünies, geleenthede en moontlike bydraes tot die Triegie-gemeenskap.
Louis Trichardt
Waak en Werk
Hoërskool Louis Trichardt
Telefoon: 015 516 4965
E-pos: bemarking@triegies.co.za
